› 選擇地區
三藩市
紐約
洛杉磯
其他美國地區
香港 台灣 北美
 
2013年03月14日

江毅憶陳百強彌留期間﹕ 床前誦經

江毅與陳百強屬忘年之交,對方彌留時,江毅更頻頻在其病榻前誦經。
建立時間 (HKT): 0314 06:00

江毅叔十數年來潛心學佛,對生死另有看法,但對於兩位故人﹕羅文及陳百強早逝,江毅叔仍然未能放下,深感可惜。江毅叔於09年商台節目《有誰共鳴》中,分別憶起兩位故友。他說﹕「播完《射鵰英雄傳》後,更懷念唱主題曲及插曲的羅文。他謂﹕ 「其實羅文呢,我同佢識咗好耐。好可惜……四苦根本是平常,生老病死真係好難講,但係就好可惜,英年早逝。」 原來江毅叔除與羅文是深交之外,與後輩陳百強,亦屬忘年之交。

陳百強真係一個絕頂聰明嘅年輕人,其實佢好年輕時我已經識佢。 我聽佢嘅歌係邊度呢,佢好鍾意唱歌,喺尖沙嘴漢口大廈有個場,佢喺度唱。陳百強唱歌幾好。當時在坐有吳慧萍,《歡樂今宵》監製,咁就請佢去,當時佢得19歲,佢仲自彈自唱添。佢初初參加電子琴歌唱比賽(全港公開山葉電子琴大賽),其實佢只係練咗一個禮拜,佢係一個天才嚟嘅。我最鍾意佢唱嘅歌係《念親恩》。佢真係好應該唱呢首歌,喺佢病嗰陣,瑪麗醫院嗰陣,我都好密好密咁去探佢。

佢(陳百強)臨去之前個幾禮拜,我一個禮拜去幾次,喺佢面前誦經。 點解我話佢一定要唱《念親恩》呢, 因為佢媽媽喺佢病嗰陣,真係服侍咗佢好耐,日頭有男護士,男護士落班後,通宵呢,都係佢媽媽。 其實每一個人最首先都係要愛自己嘅父母。你連自己嘅屋企人、父母都唔愛嘅,仲期望你愛其他咩? 依家好多年輕人都係咁樣,唔好話我哋老土,我哋真係,對住爸爸媽媽,唔敢話大聲大氣,而且佢講嘢永遠冇話忤逆佢,呢個係中國人傳統嘅美德 。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載