蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年04月18日
馬上成為壹會員

馬賽BB被指壓力爆煲 兩度自殺

希望馬賽BB唔好再想自殺啦!
建立時間 (HKT): 0418 06:00

馬賽因為《神探高倫布》成功升做馬賽BB,本應開心先o岩,不過今日有報道指馬賽BB壓力大,仲兩度想自殺o添。

馬賽早前被指做小三撬走巨聲幫大孖周志文,不過報道就話,馬賽喺呢個圈,冇咩好傾朋友;馬賽同周志文喺無綫台慶劇《名媛望族》中飾演情侶,因而撻著,而周志文同馬賽BB一齊時,就話自己係單身,原來係呃人嘅。當馬賽BB知道對方已有女友時,真係hurt爆,仲要被指係小三o添,更俾周志文女友CoCo喺微博怒插馬賽冇品。

負面新聞纏繞同時,馬賽BB最愛錫嘅外公又離世,再加上要拍《神探高倫布》,日踩廿個鐘,更自責未能見外公最後一面,以致壓力爆煲,一時間萌生輕生意念,好彩最終有人及時阻止。

據劇組人員透露,馬賽BB拍劇時自度一場撼頭戲,導演已經拒絕,不過佢堅持撼,仲要撼咗5、6次,撼到個頭瘀咗一大撻;又有一次,收工時,馬賽BB同工作人員講: 「我唔屬於呢個世界....留喺度都冇意思!」 仲話BB講呢番說話時,對眼係冇焦點。工作人員想送佢入院,但馬賽BB拒絕。儍豬,千祈唔好做儍事呀﹗

馬賽BB回應番話佢撼頭自殘嗰場戲就話,因為佢想逼真啲,所以先至叫導演安排呢場戲。但講講吓,BB忽然合埋對眼,有啲感觸咁話﹕「當時,有一刻…我覺得俾人呃咗,覺得呢個世界唔再需要我,生存都冇意義!」佢指嘅被呃,唔知係咪講緊周志文呢?

總之點都好,千祈唔好做儍事呀﹗

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載