蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年04月19日

《高倫布》悶到出汁 網民嗌腰斬

祥仔同馬賽係一對,呢個配搭真係好難頂,仲要晚晚「布布」「娃娃」咁轟炸觀眾。
建立時間 (HKT): 0419 06:00

「布布」、「娃娃」、「布布」、「娃娃」...呢排夜晚8點半播《神探高倫布》,每個觀眾都要忍受住黎耀祥同馬賽呢對係咁「布布」、「娃娃」咁叫對方....食緊飯都差啲嘔埋出嚟。

娛圈定律係唔驚你畀人鬧,最怕冇人講,今晚《神探高倫布》已經播第十集,但仍然唔知套劇想講乜,連一向對CCTVB又要鬧又要睇嘅高登仔,播咗九集,兩個Post都未推爆,就算搵高倫布主題嘅帖,全部都係大鬧「小學生水平」、「十年難得一見嘅垃圾」、「我好想神探高倫布腰斬」同「我要麥偵探都唔要你神探高倫布」等等等等。

一套講智商283嘅神探劇,竟然唔係講查案,就算第一集講到祥仔幾咁有智慧,幾咁狡猾,第一集單案都完全顯示唔到,網民仲話:「 叫神探高倫布都有啲期待,套劇嘅背景年代仲搞到我以為好似SHERLOCKHOLMES果啲,點知一日到黑就係講高倫布點發癲,同包平安點對立,仲有三角戀。

話時話,8點半有顛妹唐詩詠,高倫布個腦又有問題,9點半楊怡又有精神分裂殺人,不如crossover,仲有睇頭啦!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載