蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年05月05日

【玩嘢王】 嘉欣BB爆喊超好戲即刻有導演搵

嘉欣BB全程真情流露,激讚!
建立時間 (HKT): 0505 06:00

「佢係我男朋友嚟0架!」、「你嚇死人喇」、「做騷之嘛,使唔使咁呀!Notfunny!」 加埋嘉欣BB七情上面、 珍珠都冇咁真嘅眼淚 ,各位前晚睇緊《玩嘢王》嘅家庭觀眾,一齊俾嘉欣BBfake咗喇!

所有嘢都係一個反間計,嘉欣BB唔係被玩,而係玩人!受害者係以為自己整蠱緊人嘅魔術師LouisYan(甄澤權)至真。李思捷喺節目真相大白之後話: 「要玩世界首席魔術師,當然要搵最佳女主角鍾嘉欣啦!」 又講得啱喎,嘉欣BB係節目度喊咗起碼三次,次次都係真眼淚,去到最後大爆發,搞到Louis都超尷尬,覺得內疚,要猛同嘉欣BB晒冧,之後嘉欣BB仲要扮暈,真係嚇到Louis鼻哥窿都冇肉呀!

呢次嘅《玩嘢王》迴響比前兩集更大,小儀喺微博度話 「我Like!!太精采了!同事們,大家要小心小心!」 陳敏之都大讚:「嘉欣的演技太厲害了!玩嘢王太好睇!」仲話自己都以為嘉欣係受害者:「我肉痛妳被欺負(我以為)我都哭了!點知...原來妳真是最佳女主角!」嘉欣BB好cute咁答:「Sorry,我騙了你們!」導演葉念琛亦都話: 「你啲演技好到嚇死人,幾時有機會再合作?」

其實之前嘉欣BB成日俾人彈佢係「TVB情傷女」,即係喺劇度就成日有喊戲,但就俾人感覺喊得好假,0依家仲唔吐烏氣!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載