蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年05月19日

【短片】黃翠如談六四: 自己嘅軍隊將未來棟樑一個一個殺死

17歲的黃翠如說﹕「自己嘅兵隊,將自己國家未來嘅棟樑一個一個咁殺死。」(電視截圖)
建立時間 (HKT): 0519 06:00

「我的第一次出鏡機會是在鼎鼎大名的《鏗鏘集》。不是科學偉人,不是政治要人,不是教育強人,不是醫療聖人,《鏗鏘集》竟然選擇了我這個渺小的中六生成為其中一角,說的是我的戲劇,我的夢想和我當年只有十六年的人生。」

這個當年只有17歲的主播,姓黃名翠如,暱稱翠如BB,前有線娛樂新聞台主播,如今是無綫力捧對象。當年BB拍咗其中一集《鏗鏘集》,名為《青春萬歲》,以一個預科中六學生身份(片中報稱自己係17歲),初挑大樑做今集主角。

Opening翠如BB介紹自己時話: 「黃翠如,黃翠如,所以大家都叫我『水魚』,我今年17歲,讀緊中六,我有兩個死黨,一個李卓傑,一個黎玉清。」 原來三人都是演話劇發燒友,夢想齊齊入演藝學院。片中還有很多翠如BB綵排話劇的片段。Pure,真是pure。當時友人黎玉清更笑她為人依賴,包括常常依賴朋友,和男朋友。

除咗睇pureBB,還有何特別之處?就是片中,翠如BB提到六四。當時是1999年,六四十周年,當年7萬人參加維園燭光晚會。

17歲的翠如BB,在1989年那一年,7歲;17歲,佢參演咗學校一個話劇,名為《我歌華夏情濃》,故事以日本侵華做背景。而翠如BB的校園——五旬節林漢光中學內,還貼有不少五四運動的歷史圖片。當時翠如BB語帶哭音說: 「五四運動,六四運動,好無奈,真係好無奈。呢種感覺…我哋好傷心。你見到不斷咁有人死,死傷嘅人係無數。自己嘅軍隊,將自己國家未來嘅棟樑一個一個咁殺死,佢哋應該反思番以前五四運動發生啲乜嘢,唔應該再俾呢個歷史,再循環返嚟。」

「依家一個著普通嘅中學生,佢唔清楚五四運動,我哋唔會覺得好奇怪囉。中國以前有好多,好純潔,好有思想嘅學生,佢哋係會為國家付出;依家嘅社會,乜嘢嘢都係講錢,好似變咗其他嘅嘢都被鄙視。如果你同人講愛,講民主,人哋會話你係老古董。」

同一個黃翠如,今天卻被安排以「港女」身份,主持《走過浮華大地》,物質,虛榮……仍然相信,這個翠如BB,不是同一個翠如BB。

順帶一提,翠如BB後來沒有進演藝,而是去了浸大,公關及廣告系畢業。曾於廣告公司做客戶服務的暑期工作,2003年加入香港有線電視,更曾因為訪問周星馳一舉成名。後轉任有線娛樂新聞台主播,2012年跳糟無綫,備受力捧。

影片連結:
http://www.youtube.com/watch?v=mvrGy4eemmU

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載