› 選擇地區
三藩市
紐約
洛杉磯
其他美國地區
香港 台灣 北美
 
2013年05月20日

【黃翠如講六四】 17年後:人長大咗,睇法亦會唔同

17年前,翠如指摘中共當權者屠殺國家未來棟樑;17年後,BB說:「當時嘅我,有當時嘅睇法;當時嘅我好誠實。人長大咗,睇法亦會唔同。」
建立時間 (HKT): 0520 06:00

由田蕊妮、黃翠如主演嘅新劇《舌劍上的公堂》噚晚舉行煞科宴,眾人焦點,好自然落喺翠如BB身上……事關佢14年前(嗰陣BB得17歲)拍《鏗鏘集》嗰條片,已經喺網上瘋傳咗一日。人人大讚BB夠pure同埋個樣冇變過之外,更盛讚佢好勇敢,小小年紀,敢批評中國當權者「用自己嘅軍隊,將自己國家未來嘅棟樑一個一個殺死…」,就連教育制度都照抦。思路清晰,勇氣可嘉。

網民等咗成日,翠如BB都冇回應。等到噚晚煞科宴,BB明顯有備而來,佢話: 「我知有段片,以為段片冇咗,我冇留copy,係朋友send畀我,好得意,睇番以前嘅自己,好想講以前自己想法好誠實。」

當年17歲嘅翠如BB冇壓力冇包袱,可以公開講六四,咁依家會否驚題材敏感?佢就話: 「當時嘅我,有當時嘅睇法;當時嘅我好誠實。人長大咗,睇法亦會唔同,成長會有唔同睇法,而依家我睇法就唔會講喇。」

不過翠如BB就強調,唔再講,唔關係咪因為藝人身份關係,佢話一個人長大咗,睇法亦會影響到其他人: 「我唔敢講影響力好大,但都會影響身邊人,亦唔想自己嘅任何睇法會影響其他人。」



逢周五隨《蘋果日報》附送嘅時尚美容雜誌《add》第三期雖然早已派完;拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有何超瓊專訪,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載