› 選擇地區
三藩市
紐約
洛杉磯
其他美國地區
香港 台灣 北美
 
2013年06月22日

【龍小菌除罩】 龍小菌:為失聰歌迷除罩

龍小菌話唔記得幾時同邵子風拖手喎.....有相為證o架啵。
建立時間 (HKT): 0622 06:00

今日蒙面歌手龍小菌除罩見人唱歌,雖然只係唱咗三首歌,其中一首係王菲嘅歌,不過佢今日生日,工作人員送上蛋糕,觀眾就唱生日歌,緋聞男友邵子風就喺佢身邊以欣賞眼光係咁情深望住,又送上紙巾抹汗同雨水。

龍小菌解釋做蒙面歌手,係想大眾關注歌手音樂而唔係外表,佢覺得歌手被評頭品足不受尊重,仲感慨咁話:「戴面罩夏天流晒汗,冬天流鼻涕冇得抹。」其間歌迷大叫支持,令龍小菌感動到喊起嚟,仲喊到眼睫毛甩色,又話:「希望大家以後唔好以貌取人。」就開始唱她第一首歌《誰可聽我唱歌》。

問到佢以前職業係老師,蒙面係咪視為革命?佢話:「由細到大被人笑肥,唔想聽歌以貌取人,所以無公開,當時又想繼續自己職業,舊年六月辭職。」

咁問到係咪革命成功?佢話:「無成功,一樣有人以貌取人,但粉絲唔係睇重自己個樣,會繼續唱,七月出書。」咁自己係咪對自己個樣有信心?佢再話:「每個人都有自己嘅樣,都應該對自己個樣有信心,每個人都係獨特嘅。」係咪因為減肥成功先除罩?佢就反問: 「係咪真減肥成功?係為一位失聰歌迷而除。」不過「失聰」嘅「歌迷」......?

咁再問佢係咪同邵子風同居?佢話:「唔係,一直同家人住,未有男友。」但影到佢兩個拖拖手喎,佢竟然反問「幾時?」又話無拍拖,咁係咪分手?佢就話:「無同佢一齊過。」無一齊過,但又拖手....即係點?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載