蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月05日

【龍小菌開班】$620四堂 小菌:備課畀學生物有所值

幾多學生想報讀龍小菌課程﹗(DV截圖)
建立時間 (HKT): 0705 06:00

龍小菌早前接受專訪時,都話過: 「冇樣睇就冇工開。」 依家一除罩,大把job湧埋嚟。今日,龍小菌化身「小菌老師」,去佢「掛單」嘅補習學校、宣傳佢嘅星級補習課程。$620四堂,比其他補習老師最平收$190、最貴收$540學費比較,真係星級。點解收咁貴?小菌老師得一年中學執教經驗咋喎。

今日小菌老師成個人喺度,當然要問問佢本人。小菌老師話,7月11號有免費試堂,開唔開常規班就睇情況。

小菌老師話,佢希望同學仔諗清楚,如果淨係睇明星,就上「免費試堂」,睇夠就算喇。小菌老師話: 「我諗佢哋真係嚟學先至補名,所以有個試堂先,如果你真係想睇,你喺嗰度睇夠佢,唔好畀錢睇明星。」

問小菌老師係咪得力於明星效應、所以可以喺暑假班收咁貴?佢話: 「唔係,始終要備課,畀學生物有所值。如果價錢太貴,市場會將我淘汰。」

之不過,上次小菌老師教書,已經係上年6月嘅事,都係教高中。問佢成年唔教書、會唔會脫節?小菌老師話:「喺教院讀4年係上新學制DSE,算係最貼近嗰批。」教書經驗太少?佢話: 「莫欺少年窮,其實每一次實習,我都係拎distinction。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載