› 選擇地區
三藩市
紐約
洛杉磯
其他美國地區
香港 台灣 北美
 
2013年07月29日

傳撻著薛凱琪 二汶:我哋真係冇路,咪斷我米路!

二汶否認戀上阿Fi,並於網上留言講到明「冇路」,又貼咗張同Ellen拖手嘅相,關係似是幾複雜。
建立時間 (HKT): 0729 06:00

薛凱琪(Fiona)同房祖名分手後感情空虛,今日忽然有報道,話佢同林二汶合作拉闊音樂會後撻着咗,阿Fi接受本報電話訪問話:「戥佢有少少可憐,郁得嘅生物喺我身邊都惹緋聞。」又否認曾上二汶家過夜,坦言拉闊後兩人根本都冇獨相處過。

二汶亦透過電話否認撰文向Fiona示愛,佢話:「我同佢冇路,我冇咁深情寫嘢畀佢。」

噚晚二汶喺社交網擺咗同盧凱彤(Ellen)十指緊扣嘅相,並留言謂Ellen先至係真愛,二汶對此笑道:「雖然有人懷疑我哋分手拆夥,但我哋冇一齊過。」問到性取向?二汶話:「睇我鍾意邊個,總之唔係薛凱琪同盧凱彤。」

之後二汶再喺網上貼咗張城市的天空圖,寫道:「今日好奇妙,一起身就被上天安排咗一個劇力萬鈞嘅愛情故事俾我,多謝大家寫到我咁深情,亦好多謝雜誌俾咗個封面我地,仲quote埋我啲專欄添。」之後就乘機宣傳佢本專欄集《我們應該貪新忘舊》已出街,又叫大家留意阿Fi首新歌,記得支持喎。

二汶再話:「正所謂:人生奇妙事比比皆是,薛凱琪嘅fans放鬆啲,我哋真係冇路,薛凱琪,唔好斷我米路~哇哈哈哈哈哈。」即有fans留言,打咗個「哈哈」,寫道:「廣告植入,哇哈哈哈!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載