蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年08月17日

拍《飛虎II》跣腳 王君馨證實:韌帶九成撕裂

王君馨早前拍《飛虎II》右腳受傷,傷勢比想像中嚴重,兩星期內都要留在家中休息,《星夢傳奇》亦未必能參加了。
建立時間 (HKT): 0817 06:00

無綫劇集《飛虎II》早前繼羅仲謙出意外屁股開花後,本月9號輪到王君馨告受傷,喺拍攝一場跑落山戲份中,懷疑踩中雜物跣倒傷腳,王君馨當時表示:「醫生話我隻腳嘅韌帶撕裂咗,好彩冇傷到啲骨。」自己受咗傷已經痛到入心入肺,但君馨仍然慮及擔心拖慢拍攝進度,仲話:「我都唔希望休息太耐,意外難避免,希望以後安全方面做好啲。」之後君馨仲負傷上陣,扶住兩支柺杖上《星夢傳奇》錄影,敬業精神令人折服。

不過,今次君馨嘅傷勢,真係唔輕,原來今次受傷,累及右腳九成韌帶撕裂,君馨於微博寫道:「MRI證實了韌帶有九成撕裂,醫生話這兩個星期必須好好療傷,除咗休息真的什麼都不能做。有時像我比較活躍的人要坐喺屋企成日真的很辛苦……但我要專心休息,唔好白費大家對我嘅付出和鼓勵。非常感謝公司和同事們100%的支持!《飛虎II》同《星夢》的同事,你們加油!我係屋企為你們祝福!」

君馨,你要好好休息,唔好再諗咁多喇,養傷最重要呀。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載