› 選擇地區
三藩市
紐約
洛杉磯
其他美國地區
香港 台灣 北美
 
2013年09月01日

【港姐決賽】大熱蔡思貝再寸13號歐陽巧瑩: 扮嘢、好假!

蔡思貝直指歐陽巧瑩扮嘢同好假。(電視截圖)
建立時間 (HKT): 0901 06:00

今晚港姐決賽,十位佳麗接受星級選民鄭裕玲(嘟姐)﹑李克勤﹑曾志偉及陳百祥(阿叻)「公審」,13號歐陽巧瑩﹑15號蔡思貝﹑16號徐韶蓓﹑17號陳凱琳及20號陳偉琪跳完part舞後,就接受志偉及阿叻「公審」,五位佳麗被測心跳,睇下邊個講大話,「是非佳麗」歐陽巧瑩被問到最唔開心係邊單負面新聞,佢話:「講家人最唔開心,家人對我嚟講好重要,其他都handle到。」

志偉即問咁佢喺夜場工作﹑傳佢13歲失身﹑食煙及講粗口都冇問題?此時阿叻話佢心跳速度都係維持原狀,冇加快到喎,阿叻笑佢咁即係講真話。歐陽巧瑩都喺嗰句:「比起屋企人,呢啲可以handle。」

15號蔡思貝被問到同佳麗相處兩個月,邊個最扮嘢?以及邊個最假?蔡思貝就毫不猶疑話:「13號,因為佢扮嘢,好假。」

至於17號陳凱琳被指住九龍塘豪宅,阿叻問佢家中有冇司機及傭人?佢話:「家中有嫲嫲,所以有工人照顧佢。(屋企5千呎?)冇。(中產階級?)心中富有。」

而身材最澎湃的20號陳偉琪,被志偉同阿叻問到港姐需要美貌與智慧並重,咁身材又重唔重要?陳偉琪就話:「唔重要。」點知大螢幕播咗一張佢Big爆上圍照,都有啲尷尬啵,不過陳偉琪就解釋當日係參與其中一個宣傳活動,所着的係運動型衫,但測心跳機顯示佢跳得好快囉﹗

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載