› 選擇地區
三藩市
紐約
洛杉磯
其他美國地區
香港 台灣 北美
 
2013年10月04日

曾江慨歎被賣豬仔 廣告播足咁耐:我一蚊都唔會收到

看得出圖中分別嗎?
建立時間 (HKT): 1004 06:00

前文提到,曾江忽然「倒戈」,唔再賣美源髮采,而係幫SalondePro賣染髮劑廣告,度呢個新廣告嘅人仲要抽水,搵路人甲問曾江:「你仲係用緊嗰隻染髮呀?」一頭濃密烏髮嘅曾江就好自豪咁摸摸個頭話:「我用緊SalondePro染髮霜,你睇啲頭髮,自然柔順冇味健康。」最後加多句:「SalondePro,你染咗未呀?」

正當大家好懷念美源髮采廣告,深恐以後冇得睇之際……其實,係唔使擔心,因為呢個廣告,播幾十年都仲得(曾江話七十年代拍0架喇,嗰陣曾江得35歲咋),只要個品牌一日尚存於世,有錢買airtime就可以。事緣當年曾江拍呢個廣告嗰陣,廣告商已經「買斷」咗播放權,利用當年簽合同冇寫明播送期限,所以即使同一廣告由曾江後生嗰陣播到老,曾江都冇聲出,亦冇得分紅。

曾江曾接受本報訪問,表示「美源髮采」呢個廣告播咁耐,亦是其始料未及: 「當年自己嘅經理人同廣告公司談判好,決定賣斷廣告嘅播放權,電視播多幾十年,我一蚊都唔會收到。」 曾江笑言這是他當年「無知」的結果,但亦慶幸: 「我應該係首位電視藝員賣廣告,而且當年流行hardsell,對白好簡單。走入studio,一兩個take就得喇。」

其實廣告商真係早有此一著,所以點解當年個廣告係以特技藍背景拍攝,就係為咗令同一個廣告長播長有之餘,後面兩位演員可以隨意更換,只係曾江一個唔換,再夾番口形,咁,又係一條「新廣告」喇。

蔡瀾都唔抵得頸,曾撰文寫道:「當今電視廣告賣曾江的黑髮膏,一賣數十年,同一條廣告。曾江給他們從年輕賣到老,可見廣告商利用當年簽合同沒寫明播送期限,剝削曾江至今。明理的老闆一定不會做出這種事來,就算是法律上不受限制,也不能那麼壞呀。」

美源髮采Version1.
http://www.youtube.com/watch?v=-xQNODc91gk

美源髮采Version2.
http://www.youtube.com/watch?v=_DtIMpRgN5U

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載