蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年10月07日

【星夢傳奇】鄭俊弘搵姜麗文拉票 羅鈞滿入四強叫張文采捧場

《星夢》兩大熱門羅鈞滿及鄭俊弘惺惺相惜,攬晒腰笑晒口。
建立時間 (HKT): 1007 06:00

無綫節目《星夢傳奇》終於接近尾聲喇﹗本月12、13日就進行總決賽,今日綜藝及音樂科助理總監陳家揚與監製麥鎮東,聯同《星夢》最後五強鄭俊弘(Fred)、羅鈞滿(Moon)、陳明恩、鄭世豪及姚兵,喺將軍澳電視城公布詳情。

12日晚直播由評判選出最後四強,而13日晚直播嘅總決賽,由觀眾投票選出冠亞季軍,而冠軍得主將獲60萬獎金、獎品,當中包括價值33萬8千元鑽石金咪。

有指無綫稍後成立唱片部,會將冠軍收歸旗下歌手,陳家揚就話: 「唔一定得獎至會有合約,無綫會簽有潛質嘅同事,話唔定全部都簽。」

雖然Fred由參賽至今,被睇高一線,不過未知係咪壓力過大,噚晚嗰集表現失準,被星級評判指佢有走音,問Fred有冇信心時?佢話:「嚟緊要開工,但有足夠時間練歌、休息。」咁公投方面係咪對佢較有利呢? Fred就話好多朋友支持,自己亦有信心,佢笑言唔介意緋聞女友姜麗文幫手拉票。

至於Moon坦言視冠軍為目標,咁新聞之花女友張文采會唔會到場支持?佢話:「入咗四強先。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載