蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年10月14日

【星夢總決賽】 殿軍姚兵感性宣言:一定要補償番俾太太

姚兵話要喺結婚10周年補擺酒,補償番俾太太。
建立時間 (HKT): 1014 06:00

冠軍鄭俊弘同亞軍鄭世豪講完得獎感受,輪到季軍陳明恩同殿軍姚兵分享心聲。姚兵打趣謂: 「0依家個個都有獎,剩係得我冇獎,不過我係心中有獎,因為…啲歌我覺得自己已經唱得好好0架喇,總之係做到我想要嘅呢樣嘢,咁可能係…可能係…新香港人嘅關係,喺呢方面可能有啲……少少唔著數嘅。但係可以去到最尾一剎,已經贏咗喇。」

之前姚兵喺台上領獎時,公開答謝老婆,仲話要補擺酒,慶祝結婚10周年,當時姚兵話: 「當年結婚嗰陣,冇好好嘅婚禮,因為冇乜錢。所以我決定喺10周年嗰陣,一定會擺番一次好啲嘅酒,請晒所有朋友嚟。」 令在場的太太感動不已。

事後問番姚兵幾時結婚10周年?佢話:「三年之後。」至於會否0依家就幫太太搞個盛大婚禮先?姚兵笑笑口話:「暫時未諗住,呢啲嘢。」上次子博就話欠太太一隻戒指,要履行諾言同補償,咁姚兵又點呢?佢話: 「未諗過……到時……不過呢啲嘢一定要做嘅,我哋結婚嗰時,真係冇乜錢,簡簡單單,真係爭佢一次婚禮。同埋嗰時我希望可以幫佢搵最靚嘅化妝師、最靚嘅婚紗,因為佢當時成個樣出嚟都唔係好好,我真係要補償番佢呢樣嘢。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載