› 選擇地區
三藩市
紐約
洛杉磯
其他美國地區
香港 台灣 北美
 
2013年10月18日

認冧鍾嘉欣想上馬 陳展鵬:抽番出嚟有難度

建立時間 (HKT): 1018 06:00

陳展鵬同蕭正楠今日為劇集《巨輪》宣傳,接受商台訪問,陳展鵬話呢套劇特別多感情線,佢話:「呢套劇有三個感情線,有場戲同貝安琪嘅親熱戲,Auntie(貝安琪母)教,以為Auntie話唔好錫咁耐,但原來唔係,教佢個女點做,走埋位教。」

日前陳展鵬同鍾嘉欣因為發生一宗交通意外,被爆同車,而鍾事後更落荒而逃。之後即傳言滿天飛,話兩人暗交多時。嘉欣BB已馬上澄清,陳展鵬今日當然亦被問到呢單嘢——不過係問佢同嘉欣BB拍完戲之後,有冇掛住對方。陳展鵬話:「掛住鍾嘉欣?已抽番出嚟,開始明白前輩講『抽番出嚟』嘅辛苦。」

主持人問到拍戲時,係咪需要真係鍾意呢個女仔(即對手),陳展鵬話:「一定要,仲要麻醉自己,呢件事唔係真實,你要當真實。事實佢係好好又好靚嘅女仔,好自然就同自己講去馬,去做呢樣嘢時就全情投入,但抽番出嚟,今次真係有啲難度。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載