蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年11月04日

【C1跟進】不忿溫兆倫拎澤媽講笑 杜汶澤嬲爆:再講就打XX你

阿澤今舖真係要爆喇!
建立時間 (HKT): 1104 06:00

杜汶澤今次真係要爆啦!轉投祖國懷抱嘅溫兆倫,早前喺微博貼咗佢爸爸張相,話有人指佢似杜汶澤,溫兆倫更寫到:「大家說我爸跟杜文(汶)澤哥哥長得很像,難道我爸當年他跟……哈哈!」嘩!點玩都好,攞人家母親講笑真係幾冇品。難怪阿澤會嬲爆。今日凌晨喺facebook怒插反擊:「再搵我老母講笑我打XX你!」

除咗幫阿媽出氣,阿澤仲po文鬧爆溫生之前喺微博嘅「愛國論」:「人人際遇不同,紅可能是你夠運,梅(霉)亦不代表失敗。職業無分貴賤,品格才有!倘若你為了糊口而出賣自己,這是一種選擇,但若不斷出言傷害七百萬人的感情,請你記得你是從那裡混出來的。不用多介紹中國現在有多強大,荷李活夠大,又唔見你去?賺人民幣無罪,但我卻不用天天擦共產黨鞋,因為有求自有供,我昨天在日本拍本土電影,明天又上廣州拍大陸戲,得到這些機會,因為我是用心演戲的演員,不因為是共產黨員。我並不因為XX過你而感到遺憾,卻因為與你出現在同一段新聞而感到無面。」唔知今舖,好愛國嘅溫生會唔會又「連人帶IP」舉報阿澤呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載