蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年11月05日

【愛國包埋0架喎!】溫兆倫問新浪:點解屏蔽我老婆條微博?

建立時間 (HKT): 1105 06:00

暫時繼續都係溫兆倫時間。雖然,佢唔止一次講過,佢真係真係唔想喺香港娛樂新聞出現。佢話希望自己能被封殺,理由係次次報道親佢嘅嘢都係負面新聞……

頭先講過,溫兆倫太太兼內地女星趙庭今朝凌晨喺微博代夫發聲,內容請見另文。不過,佢發po嗰陣,出現咗啲意外,就係——被屏蔽!!哦,唔通愛國溫兆倫嘅愛國妻寫嘅po,違反微博守則?

其實趙庭成篇微博都冇問題,只係當中包含敏感字眼,包括:「共產黨」、「擦鞋」、「愛國」、「出賣」、「不接受香港回歸中國」、「中國人」、「感到羞恥」……微博個秘書一scan到呢啲字眼,仲唔屏蔽咗你咩?冇將你「連人帶IP」檢舉,已經偷笑。這就是維穩。這就是國情,就是溫兆倫「改變不了的愛國心」——所熱愛的祖國。

但溫兆倫似乎唔明,佢見到老婆個微博俾新浪微博屏蔽,出唔到佢「代夫發聲」的文章,怒上心頭,於微博噴火:「為什麼新浪你們要屏蔽我太太這條微博?」於是又將趙庭篇微博喺自己度再貼一次。

及後,趙庭再寫道:「今晚的微博只是一個女人想要保護自己的老公,發之前已想過後果。我的博文被遮罩後,老公氣憤的在自己微博裏直接發出我寫的原文,那時我們已經預料會有很多人會說這是溫想借老婆的名義反駁,無需解釋。謝謝那些給予我們惡言惡語的人,這會是我們最好的福報。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載