› 選擇地區
三藩市
紐約
洛杉磯
其他美國地區
香港 台灣 北美
 
2013年11月24日

【短片】【Amanda結婚派對】努力調理身子 李蕙敏:老公想生一仔一女

李蕙敏同夫婿SergeMicallef錫錫兼鼻貼鼻,認真sweet﹗(攝影:黃偉雄)
建立時間 (HKT): 1124 06:00

李蕙敏(Amanda)同英籍老公SergeMicallef噚晚喺在九龍塘MyGarden舉行結婚派對,好友黃偉文(Wyman)、張達明、吳國敬、寇鴻萍及女兒唐貝詩等到賀。

Amanda同老公噚晚七點幾喺門外受訪,穿上閃藍色tubedress嘅Amanda神采飛揚,與老公鼻頭擦鼻頭兼Kiss,認真sweet到漏!Amanda表示派對冇乜主題,好似秘密花園一樣,希望朋友們能開心、輕鬆玩一晚,佢話:「裡面有桌球、飛鏢,仲有魔術表演,呢個環節喺倫敦結婚時都有,好受歡迎。仲會播放倫敦舉行婚禮嘅片段,老公睇到喊。」

問婚後會否努力造人?Amanda話﹕ 「都想,順其自然,老公想生一仔一女,但0依家好似好趕,要落啲功夫調理好身體先。」

佢透露婚後會留港居住,無意退出幕前,聖誕仲要工作,連度蜜月都要押後。佢又透露邀請咗約200嘉賓參予派對,但部份賓客好似蘇永康,要參加鄭希怡婚禮所以缺席,不過Wyman就畀足面,參加完倫敦舉行婚宴,噚晚再出席派對,佢話:「我哋係識咗好多年嘅朋友。」

佢又話Amanda自小缺乏父母緣,0依家嫁得好老公,也戥對方高興﹕「佢老爺奶奶未見過Amanda啲朋友,但竟然都識得我,好明顯做咗好功夫。」Wyman表示Amanda老公為人好鬼馬﹕「佢幫新娘揭頭紗嗰刻,竟然做出鬼臉,氹到大家好開心,希望佢哋快啲生小朋友。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載