蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年12月22日

龍小菌旺角行人專用區開騷
遭「地霸」辱罵 喊晒

最後更新: 1222 20:56 / 建立時間 (HKT): 1222 14:10
龍子菌噚晚於旺角行人專用區同聾人協進會成員齊齊報佳音,豈料與行人專用區「街霸」樂隊3L發生爭執。

噚晚龍小菌落咗尖沙嘴同旺角行人專用區,聯同香港聾人協進會一齊搞咗嗰街頭表演,一班聾人負責Beatboxing,而佢就唱歌報佳音。喺尖沙嘴站嗰陣,龍小菌之前曾經話過,自己係為咗一位失聰人士田歌迷而除罩,是真是假不得而知,但噚晚佢就話自己有聾人fans,今次主要係促進聾人同聽覺正常嘅人共融,而且佢仲特登去咗學一啲表演用嘅手語。佢又話未有男仔約,依家都享受單身,不過又講笑話唔排除緣份聽日就到,因為自己都好識發掘人優點。

經理人邵子風曾經同佢傳過緋聞,係咪因為成日一齊工作所以發掘到對方優點先?佢就留晒後路咁話:「好多女仔鍾意佢,我都覺佢有才華,冇人會拒絕晒所有可能性,要留番條後路俾自己嘅。」

喺尖沙嘴站一直相安無事,但去到旺角行人專用區嗰站,就「出咗事」。眾所用知,喺行人專用區有多隊「駐場組合」表演,當然佢哋唔係真係「駐場」,而係霸死某個位,擺晒雪糕筒陣,劃地為界當係自己地頭,其中有一隊叫「3L」,噚晚就同龍小菌等人喺旺角行人專用區「開拖」,仲搞到龍小菌及香港聾人協進嘅人士當場流淚。

據知當時係咁嘅,龍小菌同經理人邵子風,以及一眾工作人員喺行人專用區set咪同器材。點知呢個時候,「3L」樂隊就走埋嚟,指龍小菌佢哋個喇叭對正3L,令佢哋開唔到騷,雙方為此發生爭執,彼此言辭頗為「激烈」,其間「3L」更反擊:「聾人學咩人唱歌?做手語咪得囉!」更向龍小菌及邵子風等人爆粗,又話:「行人專用區殺街,就係因為你哋呢啲外來人唔守規矩。」邵子風即反擊謂:「呢度係公眾地方,唔係邊個嚟到先就霸位0架!」

據邵子風方面嘅「口供」,就話當時「3L」叫龍小菌等人離開嘅理由係「我哋已經喺度三年」、「我哋喺度表演開」、「你哋冇權喺度唱歌」,邵子風即於網上反擊道:「我多次強調我哋嘅表演係來自『香港聾人協進會』一班聾小青年,連同HeartGrey &龍小菌一齊用Beatbox方法報佳音,但你哋當聽唔到!如果你哋尊重傷健人士,就唔會開咪叫出『傷殘人大晒呀?』、『聾人就大晒呀?』咁嘅說話,即當時你已清楚這是一個聾小非牟利團體活動,你明知都講呢啲說話,如果班聾人小朋友聽到會有乜感覺?不過佢哋都『聽到』,因為在場嘅黎姑娘一直用手語翻譯俾佢哋知道,所以佢哋先會喊!你哋做嘅好事,絕對有資格被大家評評理!」

至於遭「3L」指斥「破壞表演秩序」致「旺角有今天殺街結果」,邵子風更不留情痛斥:「甚麼是表演秩序?就是破壞你們的飯碗,令你們當晚的所謂『打賞』少了,就是『破壞表演秩序』?你惡言相向,趕我地唔走,就開盡喇叭對住我地,然後再報警,咁就係有『表演秩序』?」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載