蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年12月31日
馬上成為壹會員

生仔論被網民狂插 高皓正:我有自由表達,唔上心佢哋點鬧

高皓正好多言論都俾網民插爆,估唔到生仔都出事。
建立時間 (HKT): 1231 06:00

前日再為人父嘅「高教主」高皓正,連生仔都爆出驚人嘅宗教言論,佢話:「我記得一位牧者曾經對我說過,聖經記載女人原本生產並不很痛楚,然而人墮落犯罪之後,這種生產的痛楚大大增加」搞到網民又踩上佢fb剷爆佢話:「即係唔信主媽咪會受罰?你係咪生仔生到懵咗呀?」

今日高皓正接受電話訪問時話:「太太朝早陣痛入院,一分鐘唔使BB就出咗嚟。」哇,快成咁?咁又講返佢又俾網民狂插,佢解釋:「係聖經記載,我哋相信耶穌會拯救我哋,除咗永生外,痛苦都可以免去。」

高皓正又否認幸災樂禍:「絕對唔會,我嘅分享係祝福準媽媽唔好咁驚,希望大家憑信心唔好經歷咁多恐懼同痛楚,如果佢哋(網民)有誤會,我當然好抱歉,但我有我自由表達,從來唔上心佢哋點鬧我,當然佢哋講嘅說話我會反省,希望大家進步。」

同樣身為教徒的DJ森美接受電話訪問就話:「我都係基督徒,但冇佢咁熟聖經,佢引牧師所講,大家同唔同意,都唔應該加罪於佢,基督徒相信每人都有罪,如果唔係教徒,呢番話敏感啲,你可以唔信佢說話,但佢冇詆毀其他孕婦。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載