› 選擇地區
三藩市
紐約
洛杉磯
其他美國地區
香港 台灣 北美
 
2014年01月02日

福山雅治神秘遊旺角 扮《半澤》加倍奉還

福山雅治喺演唱會入面,有唔少chok甫。
建立時間 (HKT): 0102 06:00

福山雅治上個月喺橫濱Pacifico會場舉行咗十場「福山雅治冬之大感謝祭」演唱會,有成18萬人入場睇,成功打破日本個人歌手紀錄,所以呢!福山雅治事就招待香港傳媒去日本直擊佢上月30日其中一場演唱會。事務所社長仲話,福山雅治仲決定咗今年會來香港開騷見下班港迷。

30號個日演唱會5點鐘開始,一身皮西裝襯閃呔嘅型佬身福山第一首唱出《Dear》,之後福山坐住閃爆巡遊車繞場一周,其間用高射炮發射膠波,辣慶全場觀眾。現場福山感謝歌迷多年嚟支持,令佢可以順利舉行第13年「大感謝祭演唱會」,之後佢又突然神探伽俐略上身,擺出各種chok甫,然後《伽俐略》音樂響起,現場唱出柴崎幸原唱版主題曲。

福山又唱出多首90年代作品,又自嘲自已當年老套打扮,現場有嚟自各國嘅粉絲支持,法國同香港嘅粉絲團仲舉牌示意。演唱會其間播放福山周遊列國的生活照,仲有佢同導演吳宇森去泰國拍廣告,偷偷嚟香港、去台灣宣傳嘅相,相中可見福山舊年真係嚟過香港,仲去過花園街同煙廠街街市取景,佢仲係好多檔口前面擺chok甫留倩影。

唱到《心color》個時會場入面飄落心形紙牌同金紙條,好有氣氛,一班歌迷爭崩頭搶,緊接encore位,福山再搞鬼,扮大熱日劇《半澤直樹》指住台下粉絲話會「加倍奉還」,認真抵死!

同埋,場外仲有好多福山紀念品賣,有小型神社俾粉絲參拜福山大明神,如此粉絲真係可以當福山神咁拜,而添香油嘅錢是賑災基金作慈善用途。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載