蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月05日

【無綫揸弗人撐腰】李寶安個女做TVB天氣女郎

無綫執行董事兼總經理李寶安位千金,原來喺無綫做天氣女郎。
建立時間 (HKT): 0105 06:00

出名數口精嘅無綫執行董事李寶安,有個喺無綫做財經記者嘅女,25歲,原名李梓澄,依家已改名叫做李芷晴。能否成為新一代新聞小花或者高登女神仍言之尚早,暫時網上討論區關於佢嘅消息唔太多,但相信佢最為人熟悉嘅,就係2011年揸車返工嗰陣炒車——佢揸嗰架係價值70萬嘅寶馬,拎住嘅係Hermès手袋。發生意外後,李芷晴當然好驚驚啦,但驚之餘亦不忘執番佢個名牌手袋。報稱家住山頂柯士甸山道豪宅山頂花園,當然係同雙親同住啦。

家陣李芷晴主力做天氣女郎,一步步踏上「封(女)神之路」,而佢係李寶安個女呢個身份,亦唔係咁多人知。但係呢,相信大家都好疑惑,點解望住個公仔箱,明明睇緊嘅係李芷晴,但硬係覺得有陣陣「殺氣」又有啲面善……咁係因為,你睇緊嘅係無綫執行董事兼總經理李寶安個女呀嘛。由眼神、眼形、鼻哥、嘴形,以至笑同唔笑個樣,都同李寶安似到十足十。

日前李寶安一家三口到西貢食海鮮酒家擦海鮮享受家庭樂,席上李芷晴玩電話多過食飯。餐飯由李寶安埋單,李芷晴再揸佢架70萬寶馬返五星級豪宅的家。有個富爸爸,真好。

有人話,成功需「父」幹……不過呢,李芷晴喺英國嘅大學修讀財經科目,畢業後,08年自行申請入無綫,當時未有表明父親就係李寶安。但係消息指李寶安事後就女兒任職無綫一事,向管理層報告。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載