蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月10日

【仲要等呀?】《那夜凌晨…》電影版為影展延期 年中先有得睇

《那夜凌晨…》終於有個大約嘅上映日期——就係今年年中喇。遲就遲啲,不過都叫有個期。(攝影:黃文偉)
建立時間 (HKT): 0110 06:00

謝婷婷同Shine喺尖沙嘴TheOne出席新年活動,婷婷不停咁玩尾指隻戒指,但佢就話隻戒指係冇意思,亦唔係男友戴尚安(Sean)送。問佢嚟緊會唔會去Sean屋企拜年?婷婷話:「唔知,係咪太早呀?我諗冇咁正式,唔會主動去。」至於會唔會調番轉、請Sean向四哥拉姑拜年?婷婷就話唔知父母到時喺唔喺香港喎。大耍太極。

家陣婷婷總算默認咗Sean係男友,之後有冇進展?佢話:「冇,有溝通過,都係講工作。」又話唔會畀壓力佢,總之要順其自然、互相確認。至於會唔會喺2月14情人節確認?佢話:「冇咁老土啩?互相傾,唔係話我等佢,佢等我。」

之前婷婷講親兩個姪仔Lucas同Quintus都俾栢芝fans狂寸,好喇,依家兩個小朋友去新加坡讀返書,婷婷總算放心晒啦,猛話好開心,又話:「佢哋之前返香港冇見面,有收到聖誕祝福,唔知過年見唔見到,希望過新加坡搵佢哋。」

Shine話《那夜凌晨,我坐上旺角開往大埔的紅van》原定2、3月上映,但為咗參加影展而延期,天佑話:「好多影展想請陳果導演,上完冇得去,之前話寫歌畀電影,0依家有時間寫,當主題曲。」另外要配音遮粗口,有可能上映時有兩個版本,預計年中上映。又南話噚日為新片開工第五日,同黃秋生、蔡卓妍合作,同秋生多對手戲,學到好多嘢。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載