蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月20日

【港視開新劇】解決經濟困難 張松枝唔使紮鐵仲幫手培育新血

張松枝表示經濟狀況絕對冇問題。(攝影:陳順禎)
建立時間 (HKT): 0120 06:00

唔少圈中人嚟到年尾時間,都會還神兼順便拜神求來年事業更順利,之前有諗過要轉行做紥鐵嘅張松枝,終於等到大展身手好時機——港視開新劇《末日+5》。

開鏡儀式上,張松枝謂不論電視或電影工作都有工開,之前仲同彭家麗一齊登台合唱《從不喜歡孤單一個》,所以都唔會再擔心前途,經濟亦都再冇問題。

講到港視開台又遇到阻滯,無綫話唔續租發射站俾中移動,換言之港視依家要搵無綫傾續約條件。未知傾成點,但大家經過發牌一戰,都知道魔童之所以係魔童,一定估佢唔到,亦相信佢手頭上已有planB,張松枝都話:「一早就預咗有啲事發生,不過唔會擔心。」

會否拜下神求來年更順利呢?佢話:「太太啱啱轉信咗基督教,所以我失去咗呢個權利。」

家陣張松枝除咗工作之外,都好有心去幫助培育演藝界新血,不時抽時間去浸會大學幫學生拍電影功課,實在是演藝界有心人。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載