› 選擇地區
三藩市
紐約
洛杉磯
其他美國地區
香港 台灣 北美
 
2014年01月28日

【頭幾行飛都賣晒】網民話罷睇《六福喜事》滿堂紅!

再次不解釋。
建立時間 (HKT): 0128 06:00

農曆新年檔期難得有多部港片上映,計有吳君如同一眾集郵男包括杜德偉、張家輝、陳奕迅、陳冠希、黃子華、杜汶澤、劉德華等嘅《金雞sss》、周潤發甄子丹同郭富城嘅《西遊記之大鬧天宮》,同翻炒同一條橋無數次嘅黃百鳴電影《六福喜事》最受注目。電影公司喺黃金檔期搶票房、搶口碑,各出奇謀,除咗上優先場谷定票房之外,之前開宗明義話反佔中、仲話首日票房會捐去「幫港出聲」嘅黃百鳴,得悉網民話杯葛,表面上話唔理,但點都會有啲行動,反佔中,但可以搶佔檔期。

咁多部賀歲片中,《六福喜事》率先上畫。話就話罷睇,不過《六福》票房睇嚟未受影響,截至今日傍晚6點半,《六福》票房收到74萬,成績算唔錯。

但喺睇番《六福》嘅購票分佈,就有啲耐人尋味,從MCL將軍澳戲院、荃新天地、嘉湖銀座同數碼港等戲院嘅售票網發現,唔少銀幕前排幾行座位(即係要岳高頭先睇到嗰種),都被搜購一空,相信入場觀眾都係想「近距離抬望」偶像,而售出嘅戲票位置都係井井有條,買飛嘅觀眾都係有默契咁坐埋一齊。到底背後有冇乜嘢玄機呢?

其實喺港產片黃金時代,唔少片主會喺自己嘅電影上映首周,暗暗大手買入門票,營造首周票房理想嘅效果,吸引觀眾注意同時,又可以順利幫電影上畫時間延長。橋唔怕舊,最緊要受;戲橋如《xx喜事》都可以無限重用啦……

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載