› 選擇地區
三藩市
紐約
洛杉磯
其他美國地區
香港 台灣 北美
 
2014年02月14日

【短片】【成龍又出事】認錯威廉王子係哈里王子

成龍話,威廉王子同哈里王子生得一模一樣…,對吧?美聯社圖片
建立時間 (HKT): 0214 06:00

剛獲選為新一屆演藝人協會會長嘅成龍,成日失言,故此需要出動四大護法——其實係四位新任副會長「睇實佢」。但成龍會長成日唔喺香港,都睇唔到幾多。好似今次咁,又出事喇。

成龍前晚抵達英國倫敦,出席禁止走私野生動物會議,仲同英國威廉王子見面,握握手sayhello,點知……成龍原來分唔清威廉王子(PrinceWilliam)同哈里王子(PrinceHarry)。

今日英國《泰晤士報》報道,成龍同威廉王子見面時,互相稱自己係對方超級fans,但成龍卻恭賀威廉王子「遠征南極成功」。成龍講緊嘅,應該係哈里王子早前同12名來自英美等地嘅截肢退伍軍人、用逾三周時間徒步抵達南極點,為傷兵籌款一事。成龍仲話日前睇電視先知呢件事。

威廉王子當時好尷尬咁話:「不,遠征的是我老弟。」成龍馬上講唔好意思,之後受訪時就解釋︰「他們長得幾乎一模一樣啊,對吧?」對嗎?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載