› 選擇地區
三藩市
紐約
洛杉磯
其他美國地區
香港 台灣 北美
 
2014年02月19日

陳喜蓮開騷 劉慧卿撐場

陳喜蓮開騷,工務繁忙的劉慧卿專誠捧場。(攝影:藍文浩)
建立時間 (HKT): 0219 06:00

陳喜蓮唔係新人,係N年前嘅藝人,同周潤發拍過電影版《狂潮》,仲係女主角嚟㗎!依家間中做下慈善,又開演唱會請朋友來聽,噚晚佢就喺上環文娛中心搞演唱會,佢話:「我多數都係做慈善,個人演唱會都第五次,可能我以往成日做慈善,成日唱成日唱,好似開演唱會就好容易囉!我一開演唱會就會打電話俾班朋友,一定要佢哋嚟睇我。」

現場見到立法會議員劉慧卿,卿姐工務繁忙,竟然抽空來睇,相信佢兩個交情非淺,陳喜蓮即刻拉住劉慧卿叫救命話:「佢哋問我同你咩關係?」卿姐話:「佢舊時係我表哥個太太。」卿姐仲話因為陳喜蓮喺佢結婚時同舅父爭魚頭食,所以好記得呢個親戚。

喺個演唱會又見到宮雪花,佢又話自己好忙,嚟緊做普通話話劇,上海又有人搵佢做個百年旗袍展,示範一百套旗袍,佢好自豪咁話:「係因為我去美國參加世界太太比賽,做咗一百件旗袍,攞咗個中國旗袍大獎,着我比賽贏咗個啲旗袍,」花姨仲話要一邊換旗袍一邊畫畫同寫書法,好吹水喎!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載