蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年02月26日

【短片】【型英帥靚正】男神福山雅治 宣傳個唱順手派底褲

(攝影:陳慧安)
建立時間 (HKT): 0226 06:00

日本男神福山雅治今日喺香港開記者會,宣傳6月喺會展舉行嘅演唱會。福山喺記者會亦乘機大賣自家品牌底褲,仲話喺香港開騷時隨時可以應大家要求真空上陣,又向記者贈送底褲作禮物。

福山喺記者會一開始就晒廣東話介紹自己:「大家好,我係福山雅治。」不過再問佢有冇多學廣東話時,佢就即刻搵收埋褲袋嘅貓紙話:「我返嚟啦。」

之後佢又話舞台後方會有座位專供香港及台灣fans坐,希望讓fans有坐喺台上嘅感覺,成為演出嘅一部份。不過被問到會否試唱廣東歌時,就表示「想挑戰一下,學到就會試試。」

雖然男神已屆45歲,提到被港女封福山做男神時,福山聽罷即否認,又話唔覺自己有型,但就表示會對很多事物都抱有興趣嚟保持心態年輕。

福山又話好想坐船欣賞夜景,當有記者表示可以同佢馬上坐船時,佢竟叫工作人員記低。對早前被發現於旺角街市出現,福山解釋係想了解香港人嘅實際生活情況,以造訪女人街嚟了解香港。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載