› 選擇地區
三藩市
紐約
洛杉磯
其他美國地區
香港 台灣 北美
 
2014年02月27日

【短片】fb貼新戲照遭檢舉 阿澤反擊:這不是色情,這叫做豪情

杜汶澤喺fb貼《豪情3D》照片遭檢舉,佢忍唔住留言反搫。
建立時間 (HKT): 0227 06:00

杜汶澤同一班日本AV女優肉搏連場嘅新戲《豪情3D》,已經煞科,而阿澤日前飛到東京拍電影海報,同班AV女優包括42L上圍﹑有「人類最強Body」美譽嘅AV女沖田杏梨、35D葵司及夕樹舞子等再續前緣,電影公司仲邀請攝影師夏永康操刀。

有幾張照片亦率先曝光,其中一張係阿澤攬住背部全裸嘅AV女優,而阿澤亦有喺facebook貼《豪情3D》照,點知遭人檢舉佢啲相片涉及裸露及色情,令阿澤禁不住喺fb反擊:「這不是色情,這叫做豪情!」唔少粉絲及網民都紛紛留言撐阿澤;另一張阿澤用手指遮住AV女優胸部,但仍然遭檢舉喎,阿澤就發火:「遮住曬都唔得?着羽絨影好無?」

之後阿澤繼續貼《豪》照片,仲話:「你可以不停檢舉我d相,但係如果你以為咁做可以令我失敗,咁你太天真喇!因為暗箭易放,豪情難擋!」

最搞笑係有人連阿澤黑白學生相都話要檢舉喎,阿澤就話:「呢張都檢舉?哦。」最後阿澤索性放番嗰張攬住背部全裸嘅AV女優照,仲話:「既然有人無理不停檢舉,咁我放番呢張啦。」

及後阿澤轉貼本報即時新聞,然後再留言話:「今日明明係閒日,又唔係假期,你條粉腸都可以全日不停檢舉我,証明你都幾得閒,唔使做,勸你快d去搵份工打,正正經經做人......除非你做緊野,你嘅工作範圍係要搞X我,咁就無得好講。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載