› 選擇地區
三藩市
紐約
洛杉磯
其他美國地區
香港 台灣 北美
 
2014年03月01日

梁振英次女暗諷網民愚蠢 阿澤:世界看見你無知冷血一面

梁振英次女梁齊昕與網民起罵戰,梁齊昕更寫道:「Betterthanbeinganignorantpigright」
建立時間 (HKT): 0301 06:00

《明報》前總編輯劉進圖在光天化人下被兇徒連斬6刀,事件令公眾憂慮有惡勢力想令新聞界「滅聲」。事件真相未明之際,特首梁振英次女梁齊昕,卻於facebook留言,對事件危及新聞自由的說法表示質疑,更批評有人只係見到事件一部份就妄下結論。(詳見新聞:【劉進圖遇襲】CY次女質疑:事件與新聞自由有何關係? http://bit.ly/1hIQRTL )

此言一出,不少網民到梁齊昕的FB留言還擊,亦有網民出言無禮,梁齊昕禁不住回應:「Betterthanbeinganignorantpigright」(好過做一隻無知的豬,是吧?),未幾又開新po寫道:「hatersgonnahate」(要討厭我的人,無論我做甚麼,他們都會批評我。)有人即回應佢:「你同你爸爸真係好似。我諗佢見到自己民望咁低嘅時候都係輕輕放低一句:Hatersgonnahate然後自己繼續風花雪月。」

杜汶澤頭先亦唔抵得頸,於fb回應梁齊昕謂:「當妳試圖展示妳的腦袋和其他人一樣可以分析事物的同時,世界亦看見妳無知和冷血的一面。」

此外,梁振英較早前喺網誌上表示,買了一隻「路姆西」(現改名為「路福西」)俾女兒做聖誕禮物,當時佢冇講明送畀邊個,依家終於有圖有真相,原來係送畀次女梁齊昕嘅,仲有合照添……不過係同隻狗狗。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載