› 選擇地區
三藩市
紐約
洛杉磯
其他美國地區
香港 台灣 北美
 
2014年03月01日

【最新】杜汶澤:我一直忍讓黃秋生對我無理取鬧

杜汶澤話對黃秋生一直採取忍讓同容忍嘅態度。(資料圖片)
建立時間 (HKT): 0301 06:00

方才杜汶澤接受本報訪問,提到同屬英皇兼同業嘅黃秋生狠批,指對方開宗明義寫道:「當你話人無知嘅時候,我真係想知你到底知幾多?當你話人冷血嘅時候,我又想知你到底有幾熱血???」杜汶澤就話:「關於黃秋生先生嘅事,我只能夠話,因為我嘅經理人霍汶希,喺我有困難嘅時候曾經幫過我,我哋感情好好,而我同黃先生係同一間經理人公司,佢一直對我嘅無理取鬧,我一直採取忍讓同容忍嘅態度,原因係我唔想我嘅經理人難做,所以今次我唔會做任何回應。」

至於秋生就因為幫CY女護航,因而與網民起罵戰,不少網民更指秋生係「梁粉」、「五毛」,用字亦非常惹火。秋生即於fb不斷回應:

「大膽假設,小心求證,依家假設當求證,冇話假設唔啱,但係依家好多人諗咗就當係,口頭反共,用緊又係老毛嗰套鬥爭學,凡敵人贊成我反對,敵人反對我贊成,簡單二分法,有Q分别咩!」

「睇下自己先啦,一啲不同聲音都唔聽得,上綱上線,亂扣帽子,水平就咁多,你哋同我都係吹水怪。」

「哈哈哈哈哈引出一堆屎蟲」

「把嘲諷當作别人的稱讚,無耻如斯,無語了。」

因為之前秋生第一個po就係話,「哎,你班契弟又出嚟恰女人」,即有網民話:「好心黃秋生你就唔好性別歧視啦,『恰女人』?佢已經22歲,早就係成年人,而且在LSE讀Lawo架,第時上到庭對家見佢係女人,係唔係要向法官申請要求對家或自己換律師呀?」又謂:「反過來,你鬧陳芷菁時,又有冇諗過對方係女人呢?平機會同周一嶽你出來講兩句?黃秋生的言論是否涉及性別歧視?」

至於龍小菌,今日都有喺佢個fb,以「中英對照」揶揄對方是臥底,實則係寸佢係「theownerofLoMoSai.」、「youarenotevenadog.」、「YourfatherisaShole」,仲話「IsupportyoutoK.OtheC.Y.government.」小菌接受本報電話訪問時話:「佢(梁齊昕)講嘢好涼薄,佢阿爸都祝傷者(劉進圖)早日康服,但佢就咁講嘢,我懷疑佢係臥底。佢嘅言論令民怨爆發出嚟,佢同阿爸住,一定有好多內幕消息。」龍小菌仲表示今日會出席反暴力大遊行。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載