成龍攬親江澤民女神網民：以為是夜總會？

身為全國政協委員的影星成龍，喺協文藝組討論會議上，公然向解放軍女歌手宋祖英「面貼面」sayhi。可能成龍為人熱情，諗住justtosayhi；而佢同不少國際級巨星如章子怡、范冰冰等，都係錫錫面珠，攬攬抱抱，甚至來個咀嘴……同西式goodbyekiss一樣，好普通。

不過，今次成龍主動親親面珠嘅，係解放軍女歌手，身份同一般藝人有別，而且，睇得出成龍主動同佢「親臉」時，宋祖英一臉驚訝，似是被對方熱情嚇到。內地傳媒人徐靜波目擊成件事發生，佢話當時成龍於會後先同喺場內嘅委員握手致意，隨即走向對面嘅宋祖英，徐靜波寫道:「成龍似乎愛美之心未泯，趁兩會期間當眾親吻宋祖英，讓宋妹妹推也不是，躲也不行」。進退兩難之際，成龍又由宋祖英背後摟住佢膊頭，「然後狠狠地親了兩下宋祖英的臉」。睇番張相，唔止係西方常見嘅「正面臉貼臉」打招呼方式，成龍用嘅，係從背同宋祖英面貼面。

宋祖英於內地地位崇高，有「中國民歌天后」之稱，中共前總書記江澤民係佢頭號歌迷。今次成龍「突擊」，徐靜波形容係「吃豆腐襲擊」，宋祖英當時亦縮咗一縮；之後宋祖英為免突兀，故最終都係俾成龍攬住，聽佢講悄悄話。不過徐靜波都話，成龍唔係「花心」，佢只係對朋友好熱情同close而已。

不過內地網民就唔係咁睇，怒斥成龍:「我還以為是夜總會。」、「既是代表人民，打個kiss也算在人民頭上吧。」、「倒退十年你親親試試，找死。」、「主要是上面的人也快了，所以房事龍膽兒也大了」嘩……會唔會有人唔小心洩露國家機密0架…