› 選擇地區
三藩市
紐約
洛杉磯
其他美國地區
香港 台灣 北美
 
2014年03月15日

【龍門任搬】劇集對白抽盡梁振英水:朕嘅金口,講咗都可以變!

左邊嘅對白,係唔係同右邊嘅梁振英嘅做法,不謀而合呢?
建立時間 (HKT): 0315 06:00

有網民噚日搵咗一篇,21年前嘅梁振英專訪,梁振英喺專訪度話:「我絕不會把孩子送去外國,這是一個錯誤的做法。」呢個專訪被網民摷返出嚟,梁振英立即被鬧爆,因為梁振英三個仔女都喺英國留學,好明顯佢就係講一套做一套。

噚晚就有套劇集,當中有幾句對白喪抽梁振英水,當中有段對白係咁嘅,先係主角對皇帝講:「皇上金口一開,不可以不算數。」點知皇帝就話:「朕的金口就是講了可以變,變了可以改,改了又可以不算數。」

講咗又變,變咗又改,真係一個靚抽,好多網民都話,對白內容好明顯係講緊梁振英。

好多網民睇到呢句對白,都大讚編劇厲害,就連時間都夾到咁準播出。

雖然有好多網民大讚,但係有網民就好陰謀論咁諗,又會咁啱喺大結局嗰集播出,有網民將對白聯想到21年前嗰篇專訪,又會唔遲唔早,抽到啱啱好,所以網民就話,放呢篇專訪上網嘅人,就係呢套劇嘅編劇,就算唔係,都會係呢間電視台嘅宣傳策略,但呢一個陰謀論係唔係真,相信都唔會有人知喇﹗

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載