› 選擇地區
三藩市
紐約
洛杉磯
其他美國地區
香港 台灣 北美
 
2014年03月23日

【禍不及妻兒】強國網民佔領田蕊妮微博恐嚇怒罵

建立時間 (HKT): 0323 06:00

正所謂禍不及妻兒,喺強國成日睇香港某電視台劇集嘅強國網民,應該深明此理,因為啲劇經常「帶出」呢個道理——但用於現實生活中,又不是這回事。

杜汶澤向強國網民爆seed,話你哋有本事阻到我去大陸先至講啦,仲笑一班成日嗌佢滾出強國、唔好北上賺人仔嘅強國鍵盤戰士,可能根本一個仙都冇俾阿澤賺過,因為佢哋只係上網bt或者睇視頻。

本來件事只係阿澤同網民之間嘅事,但有不理性強國網民唔止喺阿澤個ig留言恐嚇叫佢「出街小心點!」仲嗌佢老婆田蕊妮都要小心。原來亦有唔少強國網民山長水遠走去田蕊妮微博大放厥詞狂數落,搞到阿田個微博本來寧靜小天地變成烽煙四起句句血淋淋,如「你老公是個儍逼」、「看到這麼多人罵你老公我就放心了。」、「你老公那麼蠢請問你知道嗎」亦有人留言謂本來好鍾意阿田,但依家因為佢係阿澤老婆,所以一併dislike。凸顯強國人脆弱的民族自尊。

亦有強國網民不齒呢班失控鍵盤戰士所為,留言道:「人老婆不管咋地又沒惹著大家,有必要攻擊人老婆嗎,一碼是一碼,不要太偏激。」阿田亦只能刪得得刪,搞咗成晚,都係阻擋唔到強國網民呢個《WorldWarZ》效應。咁點解唔去阿澤個微博留言鬧呢?因為佢退出微博之餘,刪剩一篇文,仲係唔俾留言;fb亦只有朋友權限先可以回應。

太太遭強國網民恐嚇,阿澤亦唔擔心,佢今日於FB寫道:「杜太太日日響TVB開工,我唔擔心佢人生安全。因為,就算你信唔過香港警察,都要信TVB啲實Q......果度真係烏蠅都飛唔入0架!」幾大頂高帽呢!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載