蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月23日
馬上成為壹會員

【安撫強國?】係咪「反服貿」? 林宥嘉學阿信解釋:轉貼未看清標題

對住強國,冇得「和稀泥」,冇得胡混過去,去得強國跑碼頭,你懂的。
建立時間 (HKT): 0323 06:00

又係「反服貿」,冇法子,近期好多藝人都捲入呢個政治漩渦,只要一沾上強國,一班憤青就唔准你「和稀泥」,必須表態,洗版洗到你表態為止。

好喇,之前五月天因此「惹禍上身」,瑪莎間咖啡店拉閘叫人去立法院睇睇,搞到五月天微博被洗版,被憤青們扣上「台獨」帽子,令主音阿信要開口逐條回應服待一班「恩客」話自己唔係反對「服務貿易協議」。

而前日G.E.M.舊愛林宥嘉(Yoga)喺fbshare咗一條台大經濟系教授鄭秀玲嘅powerpoint「兩岸服貿協議對我國的衝擊分析」,被指係「反服貿」,搞到又俾強國憤青洗版,又話傳北京封殺。好喇,佢會唔會好似阿信咁又話自己唔係「反服貿」呢?

Yoga同阿信一樣咁「勞碌命」,喺微博都回咗好多條留言,安撫下對岸一班粉絲,仲話自己share嗰條powerpoint,其實都冇留意標題寫咩咁話:「說真的,若不是因為莫名的被貼上了標籤,我可能真的都沒注意過那份檔案上的到底寫了哪些字。....所以我的初衷,是不是完全被誤會了呢?」

自己share嘅嘢,都可以唔睇清楚就喺官方fb發表,Yoga點解釋呢?佢話:「當時我正在工作,台灣這件事我認為大家都要快點注意,開始有許多資訊在fb上流通,我轉發的那一個,是因為他講述了議題很多部份,並不是它的標題。」

其實嗰條「兩岸服貿協議對我國的衝擊分析」點解又傷害到對岸網民嘅脆弱感情呢?咪就係在於「我國」呢兩個字囉,可能冇耐之後,「反服貿」喺強國都變成敏感詞o架啦。


娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載