蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月29日

【短片】【MK擂台】FFx都有MK味向天堂鳥挑機

FFx嘅MK味,同被戲稱「甩皮甩骨」嘅天堂鳥有番咁上下。(攝影:溫敏芝)
建立時間 (HKT): 0329 06:00

最近香港出咗啲男子組合「天堂鳥」同「Faith」,被譽為新世代MK組合,網民仲話佢哋無論樣貌同身材,都幾「甩皮甩骨」。其實早喺呢兩隊MK組合之前,早有一隊肉感女子組合FFx,每次出嚟都係要趷籮拗胸賣性感,不過呢隊FFx之前成隊換晒血,4個女仔唔同晒,仲轉型大玩唱歌跳舞。

其實FFx同嗰兩隊MK組合,喺樣貌身材都真係有番咁上下,「甩皮甩骨」嘅程度不相伯仲,其MK嘅味道都好濃,一邊就係MK仔一邊就係MK妹,有時間真係可以三隊一齊比拼MK程度。

今日FFx喺尖沙嘴出席KTFootball活動,喺台上表演跳舞,FFx嘅Shirley(楊澤怡)前日出騷,因為疲勞過度暈咗,噚晚啱啱出院,今日又即刻出席活動,佢話:「我都要小心身體,可能呢排太忙又要練舞,嚟緊要準備5月嘅迷你演唱會。」Shirley話好彩暈嗰陣,經理人喺度,化妝師又做過護士,即刻幫佢叫白車,最後喺醫院住咗一晚。Christy就話近日喺網上見到唔少人批評佢哋舞步唔齊,佢哋都有唔開心,希望可以再努力比人認同。問佢哋仲有冇難聽說話?佢哋話:「都有,會吞咗佢,當練下EQ。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載