蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月05日

薛凱琪呼籲籌200萬救流浪貓狗
義工再促交代善款去向

27,269
建立時間 (HKT): 0405 12:45
薛凱琪早前呼籲大家籌款救救流浪動物庇護中心,豈料引出軒然大波。

早前本報報道,喺新界元朗大棠一個名為「樂心動物庇護所」(註冊慈善團體編號:91/10810),收容逾240隻無家貓狗(收容超過190頭狗及50隻貓),如今面臨被迫遷。有傳薛凱琪媽媽亦經常來做義工,亦為中心出錢出力。薛凱琪除咗做義工之外,已於早前公開呼籲大家齊來捐款,籌措資金幫助「樂心」另覓地方興建庇護中心,約需200萬左右。薛凱琪唔止出心,仲出埋力,請來鄭秀文、盧凱彤、鄭中基同方大同等人一齊拍宣傳片募捐。

不過,自從報道一出,即有網民留言,要求薛凱琪「交代帳目」,而且有個po於fb轉貼再轉貼,但不知來源自哪。大意係指,希望薛凱琪小姐儘快現身,交代搬遷事宜及籌得的捐款往那裡去,並謂:「眼見附近巳收地開發工程中,場內貓狗生活受到好大影響,連日大雨問題更加嚴重,危在旦夕,希望當日薛凱琪小姐籌得的款項真係會用係動物身上,但是,狗場場主一直都未有收到薛凱琪小姐進一步消息,狗場場主心急如焚,希望快啲有一個交代。」並呼籲網民幫忙轉發,但來源及寫呢個po的人是誰,全然沒有透露。

之後再有讀者向本報致函,表示:「薛小姐雖表示未籌到足夠嘅資金,但有幾十萬,依義工都好努力救貓狗,貓狗情況惡劣,即使未能盡快搬遷,至少薛小姐可以交代款項及商討事宜,可以盡快將貓狗暫送到其他地方。」而且義工能力有限,加上進出狗場嘅道路地面已被毀,又指薛凱琪於去年12月演唱會中已呼籲大家捐款給狗場。至於一直身在韓國的薛凱琪,就表示已申請了慈善機構牌,歡迎去查閱。

該名致函讀者並提供了一個fb連結,有圖片顯示庇護中心內之惡劣環境,加上早前連場黑雨,令貓狗棲身環境更差,情況令人憂心。該庇護中心義工表示:「場主到目前未收到籌得款項數目,搵地方計劃,全不知情,睇見場貓狗危在旦夕,真係好擔心,如果有人正在一步步安排呢個搬屋大計,都唔該同 場主有個交代update,唔好要老人家得個心急,但毫無行動力。」

自網上流傳義工催薛凱琪現身後,薛有接受傳媒訪問時,表示雖然已為庇護所找到新地方,但因為只有幾十萬善款,故仍未能開始搬遷行動:「雖然月租只是幾萬元,但我們還要去買籠及興建庇護所設施。」有網民就質疑:「籌唔夠二百萬就唔搬?有地方唔夠錢買設施都寧願唔搬?」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載