蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月05日

薛凱琪親回應善款去向:我對得住自己良心
阿澤撐:有愛心和誠實

110,593
最後更新: 0406 12:09 / 建立時間 (HKT): 0405 21:07

引起連場風波嘅薛凱琪(Fiona)募捐救狗狗事件,網上廣傳一批自稱「樂心庇護所」嘅義工紛紛留言及轉貼,矛頭齊指向薛凱琪,指佢一直唔肯同義工聯絡交代善款去向,又話薛凱琪講大話云云。晚上近九時,薛凱琪方面公開回應。Fiona表示指籌得嘅捐款一直仍在,至於何以未能有所進展,全因資金需多達逾二百萬,但至今只籌得幾十萬元,實在不足以應付,故只好暫時凍結款項。

Fiona又表示,其實母親每次談及這件事,也忍不住喊咗出嚟,因真係好關心動物,並且很多藝人都樂於捐款,只希望於限定時間內能籌得足夠資金,有關基金嘅用途,亦會列出明細表公開。如果不幸真係無法籌得足夠款項,所收得嘅善款亦會作出適當處理,凡捐款5千元或以上人士、又附有名字同地址嘅,會聯絡如何退還款項。

不過Fiona補充謂,佢同母親嘅捐款,以及捐款五千以下嘅,就會將之分散捐到香港嘅不同狗場,哀求收留這些動物。因為實在有太多遺棄動物,好多狗場都唔肯再收容,但望救得一隻得一隻。

Fiona話:「我唔怕俾人質疑自己,因對得住自己良心,我更覺唔應該一個人嘅質疑而停止行動,因為依家做嘅係拯救生命、並且係二百幾隻動物。我同有關機構亦會一直搵合適場地同繼續籌款。」佢又強調所有善款都係捐去慈善戶口,而非任何人嘅個人戶口。杜汶澤亦予以力撐:「薛凱琪是個很有藝術天份的女孩,可能是右腦比較發達的關係,她未必是個組織能力高的人。但我非常肯定,她是個有愛心和誠實的人。」

Fiona不諱言:「呢件事令我好傷心,但唔係嬲,傷心嘅係做呢件事真係好繁覆,既要周圍打電話同拍呼籲片,我覺得大家應團結幫拯救動物。」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載