【推到有人唱...】高登仔改歌詞熱唱《登陸墳場》夠應節！

一隊天堂鳥，MK-Pop成主流，呀，係「主要嘅流嘢」...歌、舞、MV、造型全部令人感到驚訝(喂，大佬，真係驚0架！)。

不過，有人諗到呢啲MK-Pop出嚟，都會有其他人諗到，仲可以做多個集思廣益、二次創作嘅好機會。討論區嘅巴絲，趁住清明節咁「熱鬧」嘅日子，就依據天堂鳥主打歌《登陸太陽》作咗首惡搞版...連隊名都唔放過，改埋叫「上天堂鳥」，真係又俾網民諗到喎！

個post仲繼續緊0架，但有網民寫帖投訴，話有「偽高登台」偷咗佢哋嘅創作放上facebook喎。大家同時可以留意下，Google喺呢個post嘅廣告先精警呀！

LadiesandGentlemen，心裡面播起登陸太陽的旋律吧！大家請對詞入座！

《登陸墳場》清明版ChingMingversionby上天堂鳥

買入這座骨灰寶塔　純屬為紀念暨方便
葬落靚墓要千幾萬　無謂亂嘥錢
那怕化爐熔化眼嘴臉　按掣我徐徐化煙

高溫燒毀了我一切　無論法事祭祀請將我拍低
燒燒衣紙卻要收費　然後報夢老竇我想吃滑雞

葬　葬火裡　往事前塵不計
入面極度高溫火勢　外面到處喧嘩失禮
我　我喪禮　為何人人在談屋契
佢　要分我港幣　認係在下契弟

記住葬落了邊一面　沿路遇陰差會方便
撇下這外殻的經驗　靈魂便化蝶
佔領冥河才算轟烈　卻有冥王謀我錢

七天歸家晚宴精製　盤上有肉有飯燒酒與切雞
香燭衣紙更見矜貴　無奈吃落冇味我經已係鬼

化　化骨去　變炭亦無所謂
以往老友不再兄弟　句句講野么心么肺
太　太虛偽　話要照顧我老婆一世
佢會給予安慰仲話願意發誓

高溫燒毀了我　一切　如若有氣發力都會坐起身
只好偷偷慨嘆　出殯　無奈我已消散再沒法力爭
多得高登盡訴　一切　全賴正義巴絲都幫我發聲
今天睇清個個　心淡　唯盼老竇今晚記得贈滑雞