蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月12日
馬上成為壹會員

借星爺之名呃女上房「試戲」 「副導」、「總監」刪微博當冇事

噚日兩個仲叫緊人上房面試,報道一出就刪晒所有有關嘅嘢。(微博圖片)
建立時間 (HKT): 0412 06:00

喺噚日微博上面就發生咗一件事,就係周星馳嚟緊會開拍3D科幻愛情大片《美人魚》,而有人就喺網上搞個招募女角嘅活動,兩個人都話會喺酒店同賓館嘅一間房入面搞面試,一個叫做陳震宇,佢自稱係比高集團(即係星爺嘅公司)嘅業務總監,另一個就叫做王穌連嘅副導演,佢哋都喺自己嘅微博叫人上酒店面試,其中要求女角嘅條件,仲好似搵緊女朋友咁。

噚日問過星爺呢一件事,佢就好有型咁覆咗一個字:「流!」咁係唔係代表呢兩個人只係借星爺嘅名義,搞個假嘅面試會,至於呢個喺酒店房約女仔上嚟假面試目的係咩?大家就自行想像啦。

今日睇返陳震宇同王穌連嘅微博,佢哋都刪晒所有同面試有關嘅微博,就連好耐以前講過同面試有關嘅嘢都刪晒,其中陳震宇仲話:「媒體真噁心!」之後連王穌連都有留言話:「真的挺惡心的,良記者。」

唔知王穌連係咪覺得將所有嘢刪晒,就等於冇做過。正所謂「少年你太年輕了」,呢個世界係有cap圖0架;加上如果佢真係認為自己冇做過,而佢所做嘅嘢係啱的話,點解要大費周章刪晒所有嘢呢?有網民仲話佢呢個行為簡直係厚顏無恥、惡人先告狀。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載