蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月12日
馬上成為壹會員

【短片】【展示霸權】TVB向港視藝員落刀 向YouTube投訴侵權乜都殺!

姜文杰喺微博鬧爆無綫。(資料圖片)
建立時間 (HKT): 0412 06:00

姜文杰除咗係港視藝人之外,仲係一個音樂人,一向姜文杰都好努力做佢嘅音樂,但係港視開台冇期,可以聽到姜文杰嘅音樂平台都唔係好多,如果想聽的話,可以去佢嘅YouTubechannel聽,有時都會啲電台會訪問佢,佢嘅fans就好有心咁錄低佢嘅訪問,再放上YouTube,等大家可以重溫,但係今日,姜文杰就喺微博大吐苦水,話連YouTube呢個平台,都畀人封殺咗。

姜文杰喺微博話:「請問,歌手於電台的訪問,關電視機構甚麽事?YouTube空間已經是我音樂唯一的宣傳途徑了。你居然就連我電台訪問都投訴!重點是,片段只有聲連畫面都沒,而且跟電視一點關係都沒?作為歌手,我本來已經被搶奪了最基本上電視播mv與接受訪問的權利,現在你管過界來封殺我,使唔使咁盡?我已徹底無言了。」

姜文杰講緊嘅電視機構係邊個,咪就係無綫囉,因為如果喺YouTube度投訴條片有版權問題,被投訴者係可以睇到投訴者係邊個,而呢一次嘅投訴姜文杰嘅,就係TelevisionBroadcastsLimited,電視廣播有限公司,又稱為無綫電視。

姜文杰之後仲話:「要知道,如果是涉及到該電視台的版權片段我還可以理解,但這麼大的機構,要特別下命令(連打手都不用)要員工花時間於YouTube找我名字,然後無論是和他們有沒有關係的視頻,聲帶,live,電台訪問都好,通通來個公開擺明封殺的targeterase,全部來個版權投訴。對不起。這個。我實在覺得難以理解。」

其實姜文杰仲喺微博仲有講咗好多嘢,睇得出佢真係好嬲,最後佢仲講咗一句:「所以大家記住啊!想當歌手?要先卑躬屈膝啊,知唔知啊???我xxxxxxx!!如果就這樣放棄的話,我唔性姜!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載