蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月17日

【短片】【反面真相】被好友出賣 雲海開咪鬧爆Donald

Donald同雲海昔日係一對好朋友。(資料圖片)
建立時間 (HKT): 0417 06:00

雲海離開商台之後,就喺網上電台開咪,日前雲海喺節目《格羅茲尼》入面,重提去年6月喺商台節目《摩星嶺4號》中,講六四事件內容被刪剪一事。

事後雲海覺得畀好朋友林若寧同DJDonald出賣而辭職,雲海就喺節目內力數兩人:「我當人係朋友,人哋當我係...死狗」佢又話:「事件發生後,首先打電話畀Donald,當時佢以高八度聲調話『你呀,你成日都離題,離題……應該俾人剪。』」

雲海又話之後再打畀林若寧,指Donald稱其節目「無厘揦肺」,佢話:「我當佢係朋友,有工作都會推薦佢,點解佢要咁踩我?之後我辭職,佢先WhatsApp我想修好,但喺個首映度,又扮睇我唔到,呢個先係我同佢割蓆原因。」

節目播出後,好多網友力撐雲海,亦有網友喺Donald嘅facebook上留言,話對佢好失望。

之後Donald就以長篇幅回應該網民:「朋友,你是正義的!不過你揮劍的時候有沒有想過事情可能有另一個版本嗎?又或者簡單一點,如果你說我用計趕朋友走,那請你留意兩點:第一,原定13年萬聖節我們有一個大騷在灣仔伊館舉行。第二,另外還有NOW的電視節目計劃拍攝。請問明知有兩個大計,你說的趕走事件合理嗎?現在兩個計劃也泡湯了。如果你說是有關六四問題,又請你留意,問心,CR那個節目不準談及六四呢?你有沒有聽CR的節目呢?我問心一直對朋友很好,從沒有後悔,要後悔只是高估自己在朋友心中的位置。你可以繼續不喜歡我,也可以繼續誤會我,我很樂意扮演大魔頭。不過,在你當法官之前,請先當調查員。最後,謝謝你!祝好!」

但係Donald呢一個留言一出,再有唔少人繼續撐雲海鬧Donald,而Donald仍然有留言,不過就再冇回應呢件事。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載