› 選擇地區
三藩市
紐約
洛杉磯
其他美國地區
香港 台灣 北美
 
2014年05月04日

【短片】內地女星孫儷香港生仔 網民鬧爆:陀咁大個肚都可以過關?

建立時間 (HKT): 0504 06:00

《甄嬛傳》女主角孫儷噚晚喺香港誕下一女,剛好湊成一個「好」字,事關佢同內地男星老公鄧超之前已經生咗個仔,一仔一女,恨都恨唔到。有內地網民質疑佢係咪超生違反生育政策,所以先至嚟香港生,有人就話孫儷係家中獨女,根據內地法律,只要父母係獨生子女,或孩子有「殘疾」(近視都係「殘疾」一種),就可以生多個。但問題係,既然孫儷喺內地生多個係合法,咁點解唔留喺宇宙最強嘅強國生,要千辛萬苦挺住個大肚飛落嚟香港生?就係因為想做香港人?另一問題係,由去年開始,香港政府已立例,公立同私立醫院都唔再接受雙非孕婦申請,咁孫儷同鄧超兩個內地人,又憑乜嘢喺香港生個「雙非B」?

噚晚本報報道一出,不少香港網民亦質疑「零雙非」政策是否形同虛設,亦有人謂:「她陷內地人不義,689政府陷香港人不義。零配額同問責制一樣形同虛設。」、「大搖大擺做雙非,入境處點做嘢0架?」、「陀住咁大個肚都可以過關,班海關廢0架?」上月底有人影到預產期係6月嘅孫儷,陀住巨肚由北京出發,準備來港生B,換言之即係孫儷個肚已經八九個月大,何以香港入境處又會俾佢入?

上月中左右,孫儷老公鄧超接受傳媒訪問時直認,孫儷會於香港生,當時內地網民已經議論紛紛,但香港方面又似乎……同屬上月,孫儷同鄧超於4月初日現身香港入境事務處辦手續,仲係去咗「優秀人才及內地居民組」counter。

亦有人分別於去年9月及今年1月,已於入境處見過孫儷,仲影埋相,但孫儷助手勒令對方刪相。究竟孫儷兩公婆係幫自己以「優才計劃」申請做香港人?定係其他嘢?點解有咁多人咁勁可以認到孫儷?因為香港入境處最多係內地人呀嘛。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載