› 選擇地區
三藩市
紐約
洛杉磯
其他美國地區
香港 台灣 北美
 
2014年05月05日

【內地星生雙非B】孫儷鄧超原來非獨生子女香港生避罰款

孫儷喺香港生咗件女,湊咗個好字,本來係好事,不過,中港矛盾同身分未明搞到件事好複雜,唉!生仔啫!
建立時間 (HKT): 0505 06:00

孫儷唔止因為《甄嬛傳》做得好紅到爆,前晚佢喺香港生咗個女,陀住8個月籮咁大個肚都可以順利過關,呢單嘢都紅遍中港兩地。當時人未及解畫,究竟b女是雙非、單非,定係港b,仍然未知。

有粉絲就擔心孫儷同鄧超,如果唔係優才計劃來香港生b,今次超生都會罰得好「甘」,皆因佢兩公婆都唔符合「單獨二孩」嘅內地政策,即係指兩夫妻雙方其中一個係獨生子女,就可以生第二個嘅規定。

鄧超嚴格上係獨子,但出生喺一個江西南昌嘅重組家庭,爸爸係博物館書記,媽媽係企業幹部,但係媽媽帶住大姐姐再嫁爸爸,爸爸又有一仔一女,而鄧超就係阿爸同阿媽結婚出世,換言之,鄧超係有一個同母異父嘅姐姐,兩個同父異母嘅哥哥和姐姐,實際上,佢唔係一個獨子囉!

如果咁講,孫儷都唔係獨生女,佢父母離婚之後,孫儷由媽媽養大,爸爸同繼母結婚又生咗一個女開雜貨店。孫儷紅咗養埋阿爺阿爸,喺上海買屋佢哋住,仲俾埋個妹嘅學費。

根據以下嘅分析,如果孫儷唔係做咗香港人,就即係超生,根據《上海市社會撫養費徵收管理若干規定》。估計孫儷舊年收入1039萬人仔加埋鄧超500萬人仔計,佢兩個搵咁多,條數罰得都好「甘」下。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載