蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年05月15日

【獨家訪問】楊思琦離無綫返內地掘金:開放自己,機會就會嚟

思琦與無綫正式結束賓主關係。
建立時間 (HKT): 0515 06:00

最近已正式回復自由身、35歲的楊思琦,已經沒有無綫的大靠山,又沒有經理人的她,在前路茫茫下,今後要自力更生努力賺錢撫養女兒成長。思琦昨日接受本報專訪,直認與無綫正式結束賓主關係。對於外傳無綫提出苛刻的續約條件,大幅減人工兼被踢出經理人部,為此,思琦說:「今次決定走,同人工無關,事實上唔係好似外傳嘅報道咁苛刻,反而有加人工畀我,只係大家喺拍劇方面未得到共識,所以先有咁嘅決定。」

思琦自言一直有向公司反映拍劇意願,卻未受重視,她說:「佢哋話會盡量安排,我覺得好幾年冇拍劇集機會,只係做啲綜藝科嘅節目,始終春青有限,我諗0依家再試新嘢,都係一個適合嘅時間。」再問她會否覺得失望?她說:「做人應該向前看,唔需要睇番轉頭,講番以前,我相信明天會更好。」近年有不少無綫藝人離巢外闖,除了因為人工低之外也與欠缺發展機會有關,問到思琦是否受逃亡潮影響,她說:「每個人都係一個獨立嘅個體,未必係睇大眾嘅方向,而係睇自己需唔需要。只不過喺呢個時間,我揀咗嘗試另一個方向,去學啲新嘅嘢,充實吓自己。」

現時獨力照顧兩歲多囡囡楊卓穎的思琦,一度為續約問題掙扎,她說:「去到差唔多續約嗰陣,你就會喺度諗自己嘅路向,呢個決定好似人生交差點,一個魔鬼,一個天使,究竟我聽邊個說話好呢?但係當你諗到個決定,就會好relax,知道自己點樣行。」她坦承當時有不少朋友覺得大樹好遮蔭,不續約是很冒險的一件事,但思琦說:「都有人support我,我相信肯做、肯努力,去到邊度都係一樣,自己再進取啲,爭取多哋唔同嘅工作。」

談到未來的去向,思琦稱暫時不用擔心,現階段有不少工作正籌備中,當中亦包括好幾間經理人公司傾談中,她還說:「我依家想試多啲新嘢,首要係想拍劇,所以我會去內地睇吓有冇乜嘢劇可以拍,我相信開放自己,機會就會嚟。」家庭方面,思琦亦早已有安排:「我同媽咪有共識,依家小朋友會由媽咪照顧,科技咁發達,電話都可以傾到偈,知道小朋友發生梗乜嘢事。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載