蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年05月20日

【短片】【真正死因】蕭正楠慘變「提款機」 遭何傲芝月索幾萬

有雜誌指蕭正楠變人肉ATM,月月被提走幾萬蚊,怪唔得要速速斬纜。(資料圖片)
建立時間 (HKT): 0520 06:00

上星期嘅「翠蕭戀」風波搞到滿城風雨,隨住大台勒令翠如BB封嘴,件事漸漸被平息。

不過今日就有雜誌踢爆蕭正楠同前度何傲芝分手真正「死因」,原來係有人當蕭生係「人肉ATM」(提款機)。

之前本報曾報道過,話何傲芝要求蕭生買車,但原來唔止呢樣。據雜誌所述,何傲芝見蕭正楠事業上軌道,成日要蕭正楠買名牌手袋,而且仲每月伸手問男友拎「零用錢」,而且仲係幾萬蚊幾萬蚊咁拎。

但有人都仲係唔知足,借自己喺馬場嘅人脈,經常黐住班馬主玩,蕭正楠漸漸都feel到唔對路,加上身邊又有翠如BB施冧招,日日受盡嗲功,又晚晚一齊玩whatsapp,玩到三更半夜,仲喺架車度狂播蕭生舊歌《接受我》,難怪蕭生嗒晒糖啦,所以就決定同何傲芝分手。

報道又話被飛嘅何傲芝誓言:「一定要玩死佢!」,雖然口裡說不,不過有消息指佢打俾蕭正楠舅母同姑媽扮可憐。後來蕭正楠踢爆佢去澳門主動黐老細,女方先知難而退冇再死纏。

另外,何媽媽對於女兒同蕭生分手一事都好關心,佢就話:「希望大家體諒,我哋只係普通人,小朋友我成日教佢要互相尊重,所以呢件事,我哋覺得小朋友開心就得啦。」

不過,蕭正楠啱啱喺微博就留言,佢只希望事情盡快告一段落:「對於今天的封面報導,我完全不理解不知情亦從來沒有作過任何回應,祈求事情盡快告一段落……」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載