蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年05月22日

【短片】【韓流星期四】EXO-M解約風波揭韓星無地位無Say

建立時間 (HKT): 0522 06:00

【深韓解讀】上星期內地傳媒揭發,紅爆的六人組合EXO-M中國籍隊長Kris提出與所屬事務所SMEntertainment解約,連累SM股價暴跌超過4億,SM回應指震驚,但相信粉絲已見怪不怪,因為早在09年,當時仍是SM旗下藝人的JYJ和韓庚,曾先後成功與SM解約回復自由身,究竟為甚麼經常有星逃亡呢?

記者:鄒倩婷 攝影:王俊龍

兩韓專家、中大社會科學院全球研究課程助理講師鍾樂偉指,南韓藝人一般都簽了十年或以上的合約,於當地稱為「奴隸制」。「呢類合約會令藝人長時間都無錢賺,而真真正正賺錢嘅人,其實係海外嘅編曲家,娛樂公司係搵啲好出名嘅人編曲,令首歌可以吸引啲,同賣到去荷李活市場,所以可以想像經理人公司支出大,賺少咗錢,無幾多剩返畀明星,所以越嚟越多明星都想反抗。」

南韓的經理人公司可以把藝人「捧上天」,但紅遍全球的風光只是表面,實際上藝人不但賺不到錢,甚至要還錢。因為在他們出道前的生活費、培訓費,甚至整容費都先由公司付出,以當地最大娛樂公司CJE&M為例,每年於每位練習生身上,至少花15萬港元。公司為了回本,會把明星的日程排得爆滿,就算生病都不能放假。

鍾樂偉指不少藝人就算捱壞身子,五勞七傷,但為了保持人氣,一般都不敢冒險反抗,「經理人公司壟斷咗個市場,好多明星唔可以無經理人公司幫佢宣傳,譬如Rain當初簽合約之後紅得好快,但係當佢合約完咗無再簽,人氣就即刻暴跌。所以,好多明星都係甘願簽呢啲合約,甘心承受咁低價錢嘅待遇。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載