蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年05月24日

【樂壇黑仔王?】謝安琪正式簽內地公司 仲會唔會唱反洗腦歌?

互聯網圖片
建立時間 (HKT): 0524 06:00

俾「高登瓊姐」取笑佢係「黑仔歌手」嘅謝安琪——之前同環球解約變孤兒,全年冇歌出;翌年簽星煥,點知又同無綫合併,再變樂壇孤兒;簽金牌,點知又比華納收購,第三次做樂壇孤兒。噢,慘慘豬。

不過大家唔使為慘慘豬女神擔心喇,因為佢噚日喺北京,已經同華誼兄弟簽咗約,仲同經理人夏森美將合組成立「邁亞音樂」公司榮升老闆。

於華誼兄弟音樂同香港邁亞音樂合作簽約發布會上,歌手謝安琪宣布正式加盟華誼兄弟。華誼音樂總經理袁濤到場祝賀,仲話謝安琪會出全新粵語碟,當然國語碟都籌備緊,仲話幫謝安琪鋪多棲發展之路。

呢份新聞稿仲話,謝安琪一再感謝新東家,仲話好期待合作喎。不過大家知道謝安琪繼續出粵語碟,即係唔會放棄香港樂壇,咁都係好事。但問題係,好似《最好的時刻》呢啲咁正嘅反國教歌,謝安琪仲會唔會唱?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載