蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年06月07日

【短片】【博宣傳】蔚雨芯次次自sell露唔露點 導演開咪鬧:唔專業

翁子光喺微博鬧爆蔚雨芯。(資料圖片)
建立時間 (HKT): 0607 06:00

向當年經典作《靚妹仔》致敬電影《微交少女》,由翁子光執導,溫碧霞、麥德和、許雅婷(Kabby)、蔚雨芯(Rainky)等主演,早前更拉大隊到北角新光戲院睇《靚妹仔》重映午夜場。當時Kabby與Rainky皆性感現身,大談喺《微》片有大膽演出,Kabby自動報料謂:「冇set尺度,同Dominic(何浩文)有床上戲,又有俾一班人輪姦戲,背部全裸。」「魔鬼胸」Rainky亦謂:「有場殺人戲要露點,搵咗替身代拍,自己可以性感,但唔接受露點或床上戲。」(新聞連結:  http://bit.ly/UjUp9v )

不過呢,今日有報道刊出眾主角訪問,當中標明「拒露點」,蔚雨芯都有睇到呢段報道,仲喺微博留言話:「我是20歲!!!!不是22歲啊!!!我拍的時候才19歲呢!嚴重啊……………」

原來翁導演都有睇到呢段留言,但佢就話:「為什麼每一次宣傳就是要把『露不露點』掛在口邊?這是幼稚和不專業的,宣傳重點從不在此。」不過,翁導此番話的矛頭,原來是指向魔鬼胸蔚雨芯喎。

當時蔚雨芯即解釋道:「這就是記者們必問和要我們必答的,我們不能控制他們怎樣寫。」但實情唔係咁喎……翁導即反駁蔚雨芯謂:「可是我發現你總是記者沒問這件事之前,自己一再強調。結果令記者往這方向去寫。然而這種過於自我保護卻是某種不專業。」其實翁導亦正正點出問題所在。

喺另一篇報道中,蔚雨芯亦自動報料話,因為去年拍戲時只得19歲,故拒絕導演要求露點同演牀戲,更表示:「我寧願用替身頂上拍露點戲。」究竟邊個sell乜嘢,心照不宣了。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載