› 選擇地區
三藩市
紐約
洛杉磯
其他美國地區
香港 台灣 北美
 
2014年06月10日

【短片】【陳敏之被唱】索腿天后陳敏之 冧已婚監製被唱做「姦夫淫婦」

陳敏之被人喺微博惡搞,話佢同已婚文偉鴻監製過從甚密,仲俾人鬧佢哋係姦夫淫婦。(微博圖片)
建立時間 (HKT): 0610 06:00

誓死效忠大台嘅陳敏之,花咗逾十年青春喺演藝圈,原以為係人材大量流失,先有機會「坐二望一」做女主角,今日有報道指陳敏之成功坐正真正原因,係因為得到大台已婚兼育有兩子嘅監製文偉鴻溺愛,所以連拍三劇,仲要套套都咁搶鏡,成功為愛將陳敏之打造「長腿女神」嘅美譽。

有線人仲公開秘密,話文監製一直好欣賞陳敏之,升正咗做監製第一件事,就係諗方法捧紅敏之,仲想捧到佢做視后咁話。

爆料者又話文監製好鍾意拍嘢,尤其係有陳敏之嘅場口。就算唔關佢事,都總會喺現場指揮同影相,就算係開緊第二套劇,佢都會入廠搵陳敏之,似乎好朋友關係非淺。

正因為二人過從甚密,喺舊年12月開始,就有人喺微博開咗個帳戶叫「文偉鴻好愛陳敏之」同埋「陳敏之心疼文偉鴻」,裡面有指係二人打情罵俏嘅搜証,話陳敏之都係因為咁樣冧掂文監製搵佢開劇,仲套套劇力sell佢。

除咗喺微博俾人開post,文監製喺網上嘅維基百科,仲俾人咁寫:「拍攝《法網狙擊》期間,監製偏袒女配,使得羊咩戲份遭到刪減,更在拍攝期間受傷。由於監製不認錯,導致網友攻擊抵制。目前正在與妻子辦理分居手續當中,據有關人士爆料,因文與TVB女星陳敏之關係密切,屢次一起外出導致家變。」之後,仲有網民鬧爆文監製同陳敏之係「姦夫淫婦」,更直斥陳敏之係「賤人」。

兩個當時人被問到以上的指責,陳敏之表現氣憤,佢覺得呢啲係惡意言論,唔會放喺心入面,仲已經block咗個post,陳敏之承認尊敬文監製,仲話識得文太太同佢兩個仔仔,更否認搞到人哋離婚。

至於文監製否認同太太辦離婚手續,表示跟太太冇問題。其實敏之同男友雷偉信拍拖10年,兩人更屢傳婚訊,而敏之亦曾表示有意喺馬年結婚添。



娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載